Vangaveltur formanns settar inn aftur
Iðnmeistarar, ég vil reifa vangaveltum mínum, hvort ekki séu hættumerki á lofti vegna of lítils eftirlits með byggingarvinnu sem og að um sé að ræða marga ófaglærða menn sem stunda þessa vinnu og fá síðan einhverja til að ,, leppa“ fyrirtækin sem þarna eru víða að undirbjóða góð alvöru fyrirtæki.
Mér hefur verið tjáð að nú þegar sé í gangi ójafn leikur manna sem eru að undirbjóða löggilta iðnaðarmenn og er ég þá ekki eingöngu að fjalla um þá landa okkar sem ávallt skjóta upp kollinum og undirbjóða þá sem lærðir eru og starfa samkvæmt þeim reglum um ábyrgð og vönduð vinnubrögð sem hæfir góðum fyrirtækjum. Hér á ég við óhefta,, innrás“ vinnuafls frá evrópska efnahagssvæðinu, aðila sem vitað er að margir hverjir eru réttindalausir og eru hér í tugþúsunda tali og eru nú komnir í samkeppni við löggilt byggingafyritæki og sjálfstæða iðnmeistara, en að sögn eru þeir margir m.a. í tvöfaldri vinnu, vinna hjá fyrirtækjum að deginum og síðan í ,,hinni vinnunni“ utan við hinn hefðbundna vinnudag og hafa jafnvel aðra vinnukrafta óskráða í vinnu, en um þetta hafa menn sem eru að byggja skrafað og eru þeir hissa á að við stöðvum þetta ekki og hvernig standi á að hægt sé að taka að sér að flísaleggja fermetrinn á 1.550 - og það á kvöldin og um helgar. En það var einmitt dæmið sem einn húsbyggjandinn sagði mér frá og var hissa á að ekkert virðist vera fylgst með þessum starfsmönnum.
Því má spyrja hvað verður um okkar löggiltu meistararéttindi í ljósi samkeppninnar og lítils eftirlits . Við vitum það allir að ekki verður góðærið hér að eilífu. Dögum við uppi eins farmannastéttin eða skipasmiðirnir?
Er það hagur okkar iðnaðarmanna að eftirlit sé ekki meira en raun ber vitni með nýbyggingum og viðgerðum á byggingastað? Það er ekki á móti mælt að byggingareglugerðin er víða brotin varðandi uppáskriftir iðnmeistara í mörgum sveitarfélögum landsins.
Hvað geta heildarsamtökin gert til að sporna við þessum málum spyrja menn, tel ég að þarna þurfi að taka til hendinni og verja með því þá hagsmuni fagmeistara sem byggingalögin kveða á um.
Erum við virkilega það máttvana, að við getum ekki komið í veg fyrir að hunsuð sé uppáskrift iðnmeistara í löggiltum iðngreinum, þrátt fyrir ákvæði um það í lögum.
Ljóst er að víða er pottur brotinn. Hér á okkar svæði vil ég séstaklega benda á málara og dúklagningameistara, en þrátt fyrir ákvæði í lögunum, er ekki farið eftir því eins og þyrfti .
Stöndum við sjálfir nægilega saman?
Ef fyrirtækin fá undirverktaka til að vinna fyrir sig, án þess að ávallt sé um að ræða útskrifaða fagmenn, eins og ég hef ma. fengið upplýsingar um, þá er ekki furða þótt að t.d. uppmælingin sé á undanhaldi hér.
Verður röðin næst komin að húsasmiðum og pípulagningameisturum, erum við búnir að gleyma skipasmiðunum, þar sem einmitt undirboð erlendis frá eru að ganga að stéttinni dauðri.
Ég einfaldlega spyr ykkur kæru meistarar, þurfum við ekki að standa þéttar saman og taka á þessu af alvöru.
Væri ekki ráð að versla aðeins við útlærðra iðnaðarmenn sem vilja og ætla að bera ábyrgð á sinni vinnu.
Ef iðnmeistarar standa ekki betur saman en þetta, þá tel ég að mjög erfitt sé fyrir þá að sporna við óheftu flæði ófaglærðs vinnuafls sem kemur inn á markaðinn frá Evrópu og undirbýður þá sem reka sín fyrirtæki eftir viðtekinni almennri fagmennsku, í ljósi þess litla eftirlits á byggingarstað sem á sér stað víða.
Leggjum þunga áherslu á eftirlitið, þeir sem fylgjast með þessu sjá að í þenslu þeirri sem nú ríkir og hefur ríkt, er mikið að og þegar til lengri tíma er litið tel ég að ímynd á okkur sem
Réttindi okkar eru að veði.
Kveðja og sýnum nú samstöðu kæru meistarar.
Kristján Kristjánsson formaður MBS