Ferð MBS í álver Norðuráls í Hvalfirði í maí 08
Ferð MBS félaga og gesta þeirra til Norðuráls í Hvalfirði 23. maí 08 var vægt til orða tekið fróðleg og áhugaverð í alla staði . Ekki þarf að fara mörgum orðum um gildi þessara framkvæmda fyrir okkar svæði og landið allt eins og sjá má á samantekt hér fyrir neðan.
Með í för var Keflvíkingurinn Skúli Skúlason framkvæmdastjóri starfsmannamála hjá Norðuráli Helguvík og sá hann um fróðlega fræðslu um væntanlegt álver í Helguvík, sem og að vera gestgjafi fyrir hönd Norðuráls.
Stutt lýsing á því sem m.a. kom fram hjá honum:
Álverið verður með framleiðslugetu upp á 250.000. tonn sem eru á verðlagi dagsins í dag 55 milljarðar kr á ári. Í fyrsta áfanga verða frl. 150.000. tonn og fyrsta framleiðslan verður efir aðeins rúm tvö ár, eða 2010.
Fjárfesting í þeim áfanga verður 70 milljarðar.
Heildarbyggingartíminn verður 6-8 ár. Þannig að ekki á að vera um þenslu að ræða vegna framkvæmdanna.
Þá verður lögð mikil áhersla á að hafa útlit bygginganna þannig að þær falli vel að umhverfinu, bæði 
með litum, lagi og með mönum.
MBS hópurinn fékk að fara um álverið í fylgd góðra manna þar sem farið var um það helsta er við kemur álversframkvæmdum .
Í lokin var farið í boði þeirra Norðurálsmanna í Hótel Glym þar sem girnilegar kræsingar voru á borðum og hlustað á mjög fróðlega og áhugaverða kynningu og spurningum svarað af álversmönnum.
Fyrir hönd MBS þá þakka ég fyrir mjög góða kynningu og veitingar.
Sjá má myndir úr ferðinni á myndasíðu.
Sáttir ferðafélagar komu heim um kl. 21, en lagt var af stað upp úr kl.13.