Aðalfundur 08
Aðalfundur MBS 2008 var haldinn þann 5. júní og mættu um 35% félagsmanna.
Áður en gengið var til dagskrár þá ávarpaði Baldur Þór Baldvinsson formaður Meistarasambands byggingamanna fundarmenn og skýrði hann út sögu Iðnaðarmálagjaldsins og stöðu þess nú, ásamt því að svara ýmsum spurningum .
Formaður setti síðan fundinn og fól Einari Guðberg að annast fundarstjórn. Fundarritun annaðist Gunnlaugur Úlfar.
Í skýrslu formanns var greint frá því helsta sem starfað hefur verið á milli aðalfunda. Þá reifaði hann 
einnig sinni framtíðarsýn sem var á þá veru að við yrðum að verða mun sterkari en við værum nú til að geta sinnt hagsmunavörslu fagmeistara svo viðunandi væri að hans mati. Vildi formaður að við tækjum upp samvinnu við önnur Meistarafélög innan MB og jafnvel víðar eða að sameining ætti sér stað. Fjárvana lítil félög ættu erfitt með að beita sér að hörku gegn litlu eftirliti bæjaryfirvalda með byggingum og úttektum þeirra, þá væri nálægð verktaka mikil við stjórnendur og segði það sig sjálft að erfitt yrði að fá menn í stjórn félaga sem jafnvel þyrftu að fara í hörku við stórverkkaupa. Við hefðum reynt að fara bónleiðina til að heða eftirlitið en mörgum findist það skila litlu. Þá gat hann þess að við yrðum að bregðast við minnkandi tekjum félagsins, því nú væri mjólkurkýrin farin úr heiðinni.
Umræður voru góðar og efnislegar og var ný stjórn kosin með almennu lófataki.
Nánar verður greint frá efni aðalfundarins til félagsmanna þegar fundarritunin verður tilbúin.
Ný stjórn var kosinn til næstu 2 ára og hana skipa Kristján Kristjánsson formaður, aðrir í stjórn eru:
Lúðvík Gunnarsson. Skúli Ágústsson.
Ari Einarsson. Carl B Gränz . Varamenn eru þeir 
Arnar Jónsson.